ياسحر : شف لي من بنات الفكر .. وطيور  الحمام

( صَدَى ) .. على جنحانها ؛ مربوط بآخر معصمـه

رسالةٍ فيها ( على .. بن دغيم .. من عندي سلام )

قصيدةٍ فيهـا ( لناصـر ) مـن جميـع  الأوسمـه

اقسم بجاه اللـي علينـا فـارضٍ شهـر  الصيـام

اني اشوف الطيب في شخصك .. بشحمـه ولحمـه

ياشـوق لبـاس القلايـد.. والبياجـر..  والزمـام

يافزعة اللي جار فيـه الوقـت / والوقـت أظلمـه

ياذخر من يحتاج للحكمـه .. لـو انّـه ؛  بالغـرام

يانـور مـن ضاعـت حقوقـه بالليـال  المظلمـه

يابوسعد : سمعت بـان أمّـك ( بأثنـاء الوِحـام )

توحّمت : بالطيب .. والبندق معـك فـي  محزمَـه

لذا : طلعت الفارس الضرغام / نسل ابـن  الكـرام

ياترث بـن ظهـران ( والظهـران آيـه محكمـه)

أستغفـر الله العظيـم .. أن كـان ماقلتـه  حـرام

لاشك ذولا .. لابتـي ( وانـتَ اليـك المرحمـه )

لاتلومنـي يـارب فـي قـومٍ فعايلـهـم عـضـام

ولاني بزايدهـم بمدحـي.. كـل واحـد  وكرمـه!

واخص فيهم ( ناصر بن دغيـم ) مرفـوع المقـام

كبيرنا بالشعـر .. الا الشعـر ( عينـه وعلمـه )

اللي ترك للشعـر هيبـه بالمجالـس ..  واحتـرام

( لافض فوه الشعر.. قلت : الشعر يستاهل فمـه  )

يابوسعد ياخوي من طبيت فـي ( سحـر الغـرام )

وانا احـاول اكتـب احساسـي .. رسالـه مبهمـه

واليـوم / ماهـي سالفـة حب..وغرامات..وهيـام

اليوم شعرٍ .. تنتفض مـن هيبتـه كـل  ارضمـه

اليـوم للظهـران مـنـا يالزقاعـيـن  الـسـلام

اعداد ماحج الحجيج .. وعد مـن طـاف  احرمـه

وعلى السهول احلـى تحيـه عـد بـراق  الغمـام

ياليت شعري.. واين اوزّع طيبهم.. كيـف اقسمـه

لكن على الله يافكر.. شف لي من طيـور  الحمـام

(صَدَى ) قصيدة ناصر بن دغيـم عنـدي  ملهمـه

قل له : بجاه اللي علينـا فـارضٍ شهـر الصيـام

( اني اشوف الطيب في شخصك بشحمه ولحمـه  )