فكري اليا منّـه شـرد ..  مابالـي

آسابقـه بالجـو / كنّـي غيـمـه

واسوق من "عذب  الكلام"..الحالـي

فكرٍ .. اشِدْ النـاس فـي  تقديمـه

واكتب وكـل اللـي كتبتـه غالـي

ومافيه عندي شـيء مالـه  قيمـه

ولي دفتـرٍ موجـود فـي  خيالـي

تعبـان بِعـداده وفـي  تنظيـمـه

مكتوب من برى عليه ( الغالـي  )

وعليه صورة .. " طفلـةٍ  يتيمـه"

تبكي تقول ارجوك.. قـل ياخالـي:

إلى متى هذا الزمان /  وضيمـه؟!!

وبداخله "صفحـات" ترثـي حالـي

قصايدٍ .. ( حيّه ) مهي في  ريمـه

كان الغـزل همّـه.. فانـا موالـي

( قصة حزن ).. مبتلّةٍ فـي ديمـه

ياابوسعد واشكـي عليـك احوالـي

الهم مـن يقـوى علـى تحطيمـه

الهـم حطـم بـي جميـع  آمالـي

وخايف تكون العاقبه .. وخيمـه !!

ماعدت اذوق الكيف فـي  فنجالـي

شربي لها تقدير بـس .. وشيمـه

والنـوم ياالهمـلان ماقـد  جالـي

سهران يوم ان الخلايـق .. نيمـه

بسباب هـم ٍ عالـق ٍ فـي  بالـي

ما انساه لو يفتـون فـي تحريمـه

تبي الصحيح ! .. احس همّي عالي

ماني بمن همّه .. غـرام  إيهيمـه

والشاعـر اللـي صـار بالعلالـي

وسط الصحافه .. كاشرٍ ( بفيمـه )

يدهن سيـور الاوّلـي –  والتالـي

ويبي يمشيها علـي ؟!!..  قديمـه

انتاج .. من كل المشاعـر  خالـي

لافكـر / لامعنـى / ولاتقسيـمـه

ماغير / يالاله .. يلـه ..  يالالـي

حتى ترشّـح للشعـر ..  زعيمـه

واصبح يلالـي والزمـان / يلالـي

نـاسٍ احـس اعقولهـا سقيـمـه

ياكثرهـم لاشـك مامـن  والــي

وياكـثـر ماحسـيـت بالظليـمـه

واللـي مخلينـي اطــوّل بـالـي

انّي ولـدت وفطرتـي ..  سليمـه

انا هنا ساكـن .. بقصـرٍ  عالـي

لايغرك انّي .. ( عايش ٍ في خيمه )

طبعي كذا .. والفكر : هو  منزالـي

اعشق جنون العقـل .. بالهزيمـه

هـذا وكـل اللـي كتبتـه  غالـي

( مافيه عندي بيت ماله قيمـه  )!!