شمر كذا ..

 

ياشعـر جيـت ومدهلـك فكـري .. ولـد عَـمْ القصيـد فكـرٍ تحـرّضـه المـراجـل / والكـريـم  الاجــودي

وانا مني بـ( الشاعر الراحل / طـلال ابـن الرشيـد ).. شاعر كبير بعيـن شعـري .. بـس : تـوي مبتـدي!!

ولـو ان جمهـوري ثمانيـن الـف قـل وش بستفيـد؟ لو ما كتبت الشعر في ( شمّر ).. وانـا مـن مولـدي  ؛

( وانا.. وابوي .. وجدي نهيّر .. وابونا الشيخ : زيد ).. منزالنا مابيـن .. حايـل / والمضيّـح وَ ( الجـدي )..*

من طيبهم حتـى الغـلا .. اصبـح مـع الفتـره  يزيـد حـبٍ ورثتـه مــن جــدودي وآبـورثـه  ولــدي

يا ( سيف ) .. قل لبيه : واسمع , مايجيـك إلا الأكيـد : ..( شمّر كـذا مـن خلقـت الدنيـا ولا فيهـم ردي  )!!

وإن شفت ( ذيب الشمري ).. اللّـي بفزعتنـا يشيـد .. قل لـه : وعِـم الطيـب ؛ لـن الطيـب فيهـم  يقتـدي

ربعك هل الطـولات.. يـوم الجـوع / والوقـت الشديـد كـم خاطـرٍ علـى سـنـا نيرانـهـم جــا مهـتـدي

والطفـل فيهـم مـن صغـر سنّـه وهـو تـوه ولِـيـد يستقبـل ضيوفـه مـع الترحيـب بالطـبـع  الـهـدي

مايَقـدعـون ضيـوفـم إلا مــن التـمـر الـفـريـد ولايبـهّـرون دلالـهـم إلا مــن الهـيـل الـنــدي

مايذبـحـون إلا السمـيـن / ومايـمـدون الـزهـيـد ( متوارثيـن الحاتمـيّـه / والعـطـاء السـرمـدي )..

وإن عالـت العيّـال كــن قلوبـهـم قطـعـة حـديـد مايرجـعـون إلا بـعــد مايـكـسـرون المـعـتـدي

حريبهـم لـ( التهلكـه ).. اقـرب مـن حبـال الوريـد ورصاصهـم ياهـلَّ كـنّـه مــن مـراديـم  بــردي

يا ( سيف ) هذا الصدق .. والا الكـذب ملعـون  الكديـد ماهو لنا وحنـا ( بنـي عامـر ).. مـع العمـر المـدي

تاريخنـا حافـل مابيـن الأمـس / والـيـوم المجـيـد واطفالنـا ترضـع لبنهـا مـوت .. ماتـرضـع ثــدي

يالله عسى طيب ( السهـول ).. يـدوم والطيّـب رصيـد وعسـى ( طنايـا العـز ).. ذخـري ياتحرّيـت سنـدي

.. ( شمّر ).. هل الرايات / والأيات .. والذكـر  الحميـد واللـي ذخرتـه عـن لسانـي .. عَمـدْ ذاخـره ليـدي

يستاهلـون الطيـب / خصـم العيـب .. مافيهـم  نقيـد ذولا : ( بعد حيّـي ).. منـي غلطـان ياقلـت : بعـدي

ومع كل طلعت شمس اكررهـا / واكررهـا .. واعيـد  : ( شمّـر كـذا مـن خلقـت الدنـيـا ولافيـهـم ردي )

العودة الى الصفحة الرئيسية