حضور طاغي .. والذهب من اجود انواع  الحلـي

وانتـم سـلام الله عليكـم يالرجـال  الحاضريـن

يانايف الدعوه مجابه .. جيـت والمخـرج  ملـي

والله لو اني وقتها فـي دار ( زيـن العابديـن  )

لـ( أكنسل ).. اشغالي واجيك اسوق للطِيب  جملي

كـذا تعلّمـت الشهامـه تحـت ظـل الوالـديـن

ابوي في ليله ندهني .. قلت : سَـمْ ..  ولدّلـي..

قال : ( الخوي لو يطلبك عينك تمـد الإثنتيـن  )

قلت : انت تآمر .. بعدهـا وشلـون ارد الوايلـي

يانايـف المقبـل تفضلنـي علـى يـدك اليميـن

وان كان جاب الاصمعي ( صوت صفير البلبلـي )

فأنـا بجيـب العنكبوتـيـات لـ( المتفلسفـيـن)

قدّام عينـك شفـت كيـف الشعـر قـام ومدّلـي

بطاقة الترشيح بـ(إنموذج ).. لبعـض المعجبيـن

كني بشعري يرتكبني علـم فـي عـرض جهلـي

يا طول وجه الفكـر والتفكيـر بيـن النقطتيـن!!

وانا ادري اني لو بغيـب سنيـن عنكـم  ياهلـي

مانـي بناسيكـم ولاانتـم عـن فراقـي دالهيـن

سكنت ( تيما ) لي ثمان سنين تبغون الـ( رلي )*

ماكانت الغربه سوى مكسب علـى مَـر  السنيـن

كسبت شرواكـم / وشرواكـم مقلّـط لـي  طلـي

جيته على فنجال مـرْ .. وقـدّم الطيّـب  سميـن

أَبـراي لله وانتـم الويـلان .. والويـلان لــي

واحدهم اكثر من اخو / وان ضاقت الدنيا  عويـن

اهل هلا .. ورصاصاهم علـى عداهـم  يصطلـي

قبيلـةٍ مـن فعلهـا تشيـب حـجـان الجنـيـن

بالطيـب والله ماتحصّـل مثـل طيـب الوايـلـي

يعطي ولايرجي مقابل ..( حلو فعـل الطيبيـن )!!

وانـا علـى سنّـة محمـد والكتـاب المنـزلـي

مؤمـن بمـن ارسـل محمـد رحمـةٍ  للعالميـن

عـن الجهالـه كـرّم الله وجـه سيدنـا عـلـي

والله يلعن من غـلا فـي حـب سيدنـا الحسيـن

وانا لاني ( عنكبوت الشعر ).. والاصل ( سهلي )

قصايـدي تجـي خرافـه رغـم كيـد الحاسديـن

فكري طبيب / وذائقـة شعـري مثابـة  صيدلـي

وقصيدتـي آخـر دوى يمكـن يفيـد  العاشقيـن

وانا ادري اكثركم يبي يسمع مـن الشعـر غزلـي

واكبر دليل اللي طلب قصيدة: ( العقد الثميـن!!  )

الحـب لـك فـي داخلـي ياصاحـب  الموبايلـي

جاااااري على الهزاز ومسـوّي بـلاوي بالرنيـن

فارقتني والدمع فـي عينـي َ مـن العـام  يغلـي

شـف حالتـي الله حسيبـك ماتسـرّ الناظـريـن

ضيّعتنـي وانـا حريـص .. ارتّـب َ لمستقبلـي

لقيتنـي لـك آخـر الفرصـه مـع المتقدمـيـن

وسجلتني لك شيء واقـع بيـن جـدي  وهزلـي

وخليتني لـك عبـرة اللحظـة مابيـن  الغافليـن

وتركتني لـك فـي رضـاي اول مفاتيـح زعلـي

وعلمتني لك وين كذب الشعر حـط الصادقيـن !!

لاواهني من هو من ذنوبـه ياابـو مقبـل  خلـي

لاواهني اللـي كتبـه الله مـن اصحـاب اليميـن

قريـت بالمسنـد روايـه ؛ لـلإمـام الحنبـلـي

( يقـول ان الله يـفـرح بالعـبـاد التائبـيـن )

يالله وانا فـي رحمتـك ضيّعـت نفسـي بعملـي

استغفـرك يـارب تكتبنـي مـن  المستغفـريـن