اسرفت  بإرسال  الدموع  الحآره

من  الذنوب  اللي  لحقني   شرّه

ياخالقي   عبدك   زمانه    غآره

وإلا  انت  تنهانا   عن   المضرّه

في  محكم  الآيات  بشرى  سآره

( لاتقنطوا من رحمة الله  )..مرّه

خرّيت   ساجد   والجباه   الخآره

تابت    ولاتنوي    تعيد    الكرّه

واللي سَلَك بعض الدروب الضآره

شيطانه   الملعون   معه    يجرّه

مايدري   انه    للمهالك    جآره

طاوعه   لكن   للأسف    ماسرّه

ضاقت .. على كبر الوطن والقآره

اعدد  ذنوبي   /   وافك   الصرّه

مرات اقول انك  رحيم  ..  وتآره

اذكر   جهنم    والعذاب    وحرّه

كلّي    ضحيه    للحياة    المآره

والاانت   مايخفاك   كبر    الذرّه

اعلم  بأَنّك   عن   شقاها   بآره

استغفرك   والخوف    لله    درّه

جيتك  ونفسي  من  عذابك  فآره

ومن  الذنوب  اللي  لحقني  شرّه