ياملوّعني مـع الوقـت .. بسلـوب  القطاعـه

لاتحَسـب انّـي بصدقـك لـو تحلـف  يميـن

مثلـك مـن المستحيـلات تتغـيـر  طبـاعـه

حتـى لـو حاولـت ماضنتـي قلبـك  يلـيـن

خابـرك معرفتـي معـك ماهـي بـس ساعـه

لـي ثمـان سنيـن لاعـاده الله مـن  سنيـن

شف بوجهي مثـل طفليـن يشكـون المجاعـه

كـن مابالعمـر فينـي ســوى  هالدمعتـيـن

عن قناعه كنت احبـك وعفتـك عـن  قناعـه

ماكرهتـك بـس مانـي علـى الفرقـا حزيـن

رح بمان الله حبـك طـوى الخاطـر  شراعـه

قبـل لاهـمـي بفـرقـاك يـذبـح  ناقتـيـن

مافقـد مثلـي بفـرقـاك يـاكـود  اللكـاعـه

ومافقـد مثلـك بفرقـاي يمـكـن أي شـيـن

وقبـل لنسـى اذكـر انـك مودعنـي وداعـه

وانت تعرف صالـح اشلـون بأسـرارك اميـن

في غيابت جـب هـداج سـرّك وسـط  قاعـه

والله اني مثل ماقلت لـك: ( سـرّك دفيـن )!!

وقبـل لنسـى اذكـر انـك مودعنـي وداعـه

يوم اشوفـك ليلـة العيـد مـن قبـل اسنتيـن

يوم عقلي يحتفـل معـك فـي ليلـة  ضياعـه

انفـرط مـن جيـدك بسبتـي عقـدٍ  ثمـيـن

عاد يـوم اغويتنـي فيـه وابهرنـي  شعاعـه

ماقـدرت اقـاوم النفـس وبلـيـس اللعـيـن

قلت وانفاسـك تهافـت علـي وفـي شجاعـه

ادخلـوا فـي ليلـة العيـد وانـتـم  امنـيـن

ماصحيـت الا الجماعـه يطـرّون  الجمـاعـه

ومـادريـت الا يديـنـك عرقـهـا باليـديـن

وماسمعت الا وهمسك خـذى فكـري  سماعـه

يـوم قلـت العيـد نـوره تـرى قـرب يبيـن

رحـت منـك اردد.. العقـد ابهرنـي شعاعـه

وجيـت منـك.. ولاعلـى بالـي الا شغلتيـن/

( كيف صار العيد عشقك/ وصبحك بالرضاعه؟!!

وكيف كنت اتنفسك / صبح عيد العاشقيـن؟!! )

كنت احبك حـب مـزروع فـي قلبـي زراعـه

ليـن ماحطيتنـي فــي عــداد  الهالكـيـن

قلت في نفسك: خلاص استلمته مـن ذراعـه!!

وجيـت تبغـى تلفنـي مـن يسـارك لليميـن

عاشقك لو يغـرق الحـب الـى آخـر نخاعـه

لاتحسـب انـه يبـي يرخـي الحبـل  المتيـن

اتهبا !! مثلـي مـن النـاس مافيهـم طماعـه

يقدرونـك وانــت ماتـقـدر الا  حاجتـيـن:

ويرحم الله مـن عـرف قدرتـه  والاستطاعـه

ويغفـر الله جلستـي معـك فـي ذاك  البطيـن